საპარლამენტო არჩევნებამდე ერთი დღით ადრე ვითარების შეფასება ნიკა ჩიტაძე 30 ოქტომბერი, 2020 წელი საპარლამენტო არჩევნების წინ ვითარების შეფასებასთან დაკავშირებით უნდა აღინიშნოს ის უარყოფითი და დადებითი ასპექტები, რომელებიც წინასაარჩევნო პერიოდს უკავშირდება. უარყოფითი ასპექტებიდან აუცილებელია აღინიშნოს შემდეგი: წინასაარჩევნო კამპანიამ ოქტომერის თვეში რიგ შემთხვევებში ძალადობრივი დაპირისპირებების ფონზე ჩაიარა. კერძოდ, სხვადასხვა მონაცემებით, მთელი ოქტომბრის განმავლობაში ზეწოლისა და ძალადობრივი ქმედებების , როგორც სავარაუდო , ისე დადასტურებული , 8 შემთხვევა იქნა გამოვლენილი. ამავე პერიოდში დაფიქსირდა ადმინისტრაციული რესურსის გამოყენების 1 შემთხვევა ; ამომრჩევლის მოსყიდვის 2 და წინასაარჩევნო კამპანიის ხელისშეშლის 2 შემთხვევა . რაც შეეხება ცხელ წერტილს, კონფლიქტური ვითარება განსაკუთრებით შიდა და ქვემო ქართლის რეგიონებში შეინიშნებოდა. ეს შემთხვევები თავის მხრივ სის...